十月十一日 (六)

一點幾先起身，呢排真係太累啦，所以訓左好耐～～～呢日打算執下屋係屋企休息下，本身打算返小組既，但唔係好趕得切，因為臨時有啲野要整～～咁就冇返到啦～～

今日啊搞笑同事打黎問我打波外交進度～～哈哈～痴線，成日玩野～～～不過佢話我知星期一好似都幾多野要跟返～～但都唔怕，因為星期一老總唔係度咁通常都冇咁大壓力，哈～～講到自己好有壓力，其實唔係～～～～

今日試左個新電話，但都唔係好適應，不過話就話係新電話，其實唔係新既，係用過既，只係啊媽話我個部電話用左好耐，加上啊媽換電話就俾左佢個部我～～不過佢係samsung既機，我唔係好慣，好多都唔適應，但聽歌又幾OK喎，但load得慢少少～～～按左一陣間我太唔習慣又換返自己部機，不過都會轉下個部機，因為我覺得佢聽歌好聽啲～～～加上宜家電話我都唔用msn，cut鬼埋，因為宜家返工都開到msn～～～～

丫，講起msn，近排有個同事串我，問我做乜msn講野個陣啲句子既詞式調轉晒黎用，好似個其實又放左係最後呢啲～～～哈哈～～我解釋完之後佢覺得我好怪....咁我真係平時諗到乜野打乜野架嘛，不過唔緊要啦，明咪得咯～～哈哈～～～

今晚發左左一件好驚險同好搞笑既野，就係....啊Mi唔見左～～！！

話說細路同個朋友落街傾計，就帶埋Mimi落去啦～～點知我細路掛住傾計，Mimi其實落街一向都自由活動，今次佢曳曳行左好遠唔知去左邊度，到我細路搵佢個時搵極都搵唔到，平時如果搵唔到佢既話，大叫佢幾聲，隔幾十秒或者一分鐘度佢會自己跑返出黎，好搞笑～但今次完全冇反應，唔見左佢，唔知佢去左邊又怕佢有事，最怕佢俾人抱左去其實....咁我大細路就話俾我細細路知，咁細細路就叫埋啲朋友咁一齊搵Mimi啦～～～～

搵左一段時間都搵唔到，以為從此會見唔到Mimi，搞到大家都好擔心....我都好擔心見唔到佢之餘我仲諗左樣野，我仲諗....死啦又唔見左佢唔知佢點，仲有好多狗糧係屋企咁點算丫....(擔心得黎又有啲衰我覺得)好在細細路有個朋友發現左Mimi係五樓～～～原來Mimi自己返屋企，佢好勁丫，自己係樓下上左五樓去左我地單位既門口位置丫～～～我地估佢跟人去左搭lift，之後跟返平時我地返屋企既路線行啦，咁佢就以為返左屋企啦～～～～但係最可愛既一樣野就係，我細細路見到佢係五樓個陣佢係度喊～～～隻眼紅晒～～～好搞笑～～～我係咪好衰係度笑mimi喊包～～～～之後終於帶左佢返屋企啦，佢對眼真係紅晒，我都係度笑佢，之前都見過佢喊對眼紅晒一次，個陣佢冇得去街，望住個窗口喊，個次俾佢嚇死～～～

打下nds又休息下咁又一日啦～～～～

十月十二日 (日)

今朝起身又十二點幾，所以返晚堂，因為尋晚好夜訓，都成四點幾先訓～～～今日返左晚堂，不過今日個講師講得耐左有少少悶～～～七點幾先完丫～～～今日娜姐又有返，之後一齊去食肯德基，食到勁飽丫，我食左三件雞，一個飯同一啲格格脆........之後兜左個圈都搭車返屋企～～～上左車無耐有個朋友打黎同我講佢係我樓下，因為佢行街經過我個度，咁就約左佢去apm個starbuck度飲野，都幾搞笑，但係估唔到apm starbuck原來十點半就關，真係早左少少～～～咁行一陣間都走啦，因為啲冷氣超凍........有一樣野係好正，因為我樓下有車返去朋友屋企，所以就叫佢去我樓下搭車～～哈哈哈～～～是但啦，行多幾步之嘛～～～講笑～～～

本身都飽，飲埋杯野仲飽～～宜家其實都成三點半啦，我仲係好飽，其實我諗都有啲問題，成日都飽超耐，下次睇醫生問下點解會咁，好似唔識消化咁，不過其實呢個情況都持續左好耐～～，但雖然佢好似唔識消化，但我個胃好似有啲地方好左，就係我宜家少左好多胃液倒流既情況，以前日日都會，宜家就好似一個月都係幾次，少左好多，因為有時一倒流係可以好那個喉嚨，試過痛到我衝去飲水，飲極都好痛，仲要講唔到野出唔到聲～～